Қазақстанда әзірленіп, өндірілген VibroLUNG медициналық аппаратымыздың Еуразиялық экономикалық одақ (ЕАЭО) мүше мемлекеттерінің өнеркәсіптік тауарлар тізіліміне ресми түрде енгізілгенін зор мақтанышпен хабарлаймыз.
Бұл — біздің командамыз және бүкіл отандық медициналық саламыз үшін маңызды жетістік. Тізілімге ену қазақстандық өнімнің халықаралық сапа стандарттарына сай келетінін және ЕАЭО елдерінің нарығында сәтті бәсекелесе алатынын дәлелдейді.
Біз ұлттық өндірістің әлеуетіне сенеміз және Қазақстанда жасалған заманауи медициналық технологиялар елімізден тыс жерлерде де қолжетімді әрі сұранысқа ие болуы үшін аянбай еңбек етеміз.
