2025 жылғы 8 сәуірде Астанада Түркі мемлекеттері ұйымына мүше елдердің денсаулық сақтау министрлерінің бесінші мерейтойлық кездесуі өтті.
Іс-шараға Қазақстан Республикасының Денсаулық сақтау министрі Ақмарал Әлназарова, Әзербайжан Республикасының министрі Теймур Мусаев, Қырғыз Республикасының министрі Эркин Чечейбаев, Түркия Республикасының министрі Кемаль Мемишоғлу, Өзбекстан Республикасының министрі Асилбек Худаяров, сондай-ақ ТМҰ Бас хатшысы Кубанычбек Омуралиев қатысты.
Сонымен қатар бақылаушы елдердің өкілдері де болды: Венгрия Ішкі істер министрлігінің Мемлекеттік хатшысының орынбасары Юдит Бидло, Түрікменстанның Денсаулық сақтау және медицина өнеркәсібі министрлігіне қарасты Жұқпалы аурулар орталықтары дирекциясының бас директоры Аннамырат Реджепов, ТМҰ Инвестициялық қорының төрағасы Бағдат Әмреев.
Форум аясында ТМҰ елдерінің денсаулық сақтау жүйесінің өкілдеріне халықаралық талаптарға толық сай келетін, жоғары технологиялы өнім — VibroLUNG виброакустикалық аппараты таныстырылды.